Peşəkar jurnalist sarıdan korluq çəkən qəzet, sürətli internet problemi, yayımın sistemli olmaması və icra strukturlarının təzyiqlərinə baxmayaraq, bölgənin bir nömrəli meydanıdır.
“İcra hakimiyyətinə deyəcəm ki, “Cənub xəbərləri”ni oxuyursunuz”
ASİ Klubunun “Regionlarda medianın inkişafına dəstək” layihəsini icra etmək üçün Masallıya – “Cənub Xəbərləri” qəzetinin redaksiyasına yollanırıq. Öncədən onu da qeyd edək ki, qəzet ayda üç dəfə 5 min tirajla çap olunur. Lerik, Yardımlı və başqa rayonların ucqar kəndlərinə pulsuz paylanır.